Azərbaycanlı hakim minifutbol üzrə Avropa çempionatına təyinat alıb
Bakı, 25 mart, AZƏRTAC
Azərbaycanın minifutbol hakimi Ramil Namazov bu il Slovakiyanın paytaxtı Bratislavada keçiriləcək Avropa çempionatına təyinat alıb.
AZƏRTAC xəbər verir ki, referi turnirin oyunlarını idarə edəcək 14 ədalət təmsilçisi arasında yer alıb.
Qeyd edək ki, mayın 27-dən iyunun 4-dək təşkil olunacaq Avropa çempionatında Azərbaycanın minifutbol yığması da çıxış edəcək. Milli komanda Fransa, İtaliya və Avstriya seçmələri ilə birlikdə F qrupunda mübarizə aparacaq.
Bölmənin digər xəbərləri
