Azərbaycanlı idmançı Daşkənddə keçirilən turnirdə qələbə qazanıb
Bakı, 9 oktyabr, AZƏRTAC
ABŞ-da yaşayan azərbaycanlı idmançı, MMA üzrə döyüş ustası Elgün Xanoğlanlı Özbəkistanın paytaxtı Daşkənddə keçirilən “Open Fighting Championship” turnirində qələbə qazanıb.
Diasporla İş üzrə Dövlət Komitəsindən AZƏRTAC-a bildiriblər ki, o, “Renesans Hall”da tanınmış ukraynalı idmançı Roman Mayniçi məğlub edərək, arenaya Azərbaycan bayrağını gətirib.
Azərbaycanlı idmançı dünya və Avropa çempionu, bir çox başqa mötəbər turnirin qalibidir.
Qeyd edək ki, 1992-ci ildə Füzuli rayonunda doğulan Elgün Xanoğlanlı ABŞ-da 2016-cı ildən yaşayır. İdmana doqquz yaşında karatedən (Kyokuşinkaykan növü üzrə) başlayan kikboksçu 2009-cu ildən MMA döyüşçüsüdür. O, Amerika-Azərbaycan Gənclər və İdman Assosiasiyasının sədridir.
Bölmənin digər xəbərləri
