Azərbaycanlı qızcığaz Türkiyənin İstiqlal Marşını möhtəşəm ifa etməklə diqqətləri öz üzərinə çəkib

23.04.2020 [00:03]
Çap et
A⁺ A^-

İstanbul, 23 aprel, AZƏRTAC

İstanbulun Feyyaz Berke uşaq bağçasında təhsil alan azərbaycanlı Nisəxanım Hüseynova Türkiyənin İstiqlal Marşını (dövlət himni) türk uşaqlardan daha yaxşı səsləndirməsi ilə diqqətləri öz üzərinə çəkib.

AZƏRTAC xəbər verir ki, Türkiyədə qeyd edilən 23 aprel - Milli Suverenlik və Uşaq Bayramı münasibətilə hazırlanan videoçarxda Nisəxanımın həmyaşıdları iştirak ediblər.

Müəllimləri tərəfindən sevilən balaca həmvətənimiz ağlı və bacarığı ilə həmyaşıdlarından seçilir.

Videoçarx azərbaycanlı balaca qızcığaz tərəfindən İstiqlal Marşının şeir formasında səsləndirməsi ilə başlayır.

Günel Məlikova

AZƏRTAC-ın xüsusi müxbiri

İstanbul