“Azərsu” ASC “Hər kağızı bir yarpağa dəyişək” adlı aksiyada fəal iştirak edir
Bakı, 21 mart (AZƏRTAC). İDEA (Ətraf Mühitin Mühafizəsi Naminə Beynəlxalq Dialoq) İctimai Birliyi, “ASAN xidmət” və “Təmiz Şəhər” ASC-nin birgə təşkilatçılığı ilə həyata keçirilən “Hər kağızı bir yarpağa dəyişək” adlı aksiyaya “Azərsu” ASC növbəti töhfəsini vermişdir.
ASC-nin mətbuat xidmətindən AZƏRTAC-a bildirmişlər ki, Səhmdar Cəmiyyət tərəfindən 768 kiloqram kağız “ASAN xidmət” mərkəzinə təqdim olunmuşdur.
Qeyd edək ki, fevralın 17-də ASC tərəfindən ilk olaraq 350 kiloqram kağız tullantısı təhvil verilmişdi. Səhmdar Cəmiyyətin kollektivi bu xeyirxah aksiyada iştirakını gələcəkdə də davam etdirəcəkdir.
Bölmənin digər xəbərləri
