AZPROMO: Yanvar-fevral aylarında Azərbaycanın Sloveniyaya ixracında 66 faiz artım qeydə alınıb
Bakı, 17 aprel, AZƏRTAC
Ötən il Azərbaycan ilə Sloveniya arasında ticarət dövriyyəsi 30,8 milyon dollar təşkil edib ki, bu da ticarət dövriyyəsinin daha da artacağını deməyə əsas verir.
AZƏRTAC xəbər verir ki, bunu Azərbaycan-Sloveniya biznes-forumunda çıxışı zamanı AZPROMO-nun icraçı direktorunun müavini Tural Hacılı deyib.
O bildirib ki, 2024-cü ildə Azərbaycanın Sloveniyaya ixracının həcmi 8,5 milyon dollar təşkil edib.
"Cari ilin ilk iki ayında isə Azərbaycanın Sloveniyaya ixracında 66 faiz artım müşahidə olunub. Keçirilən forum iqtisadi sahədə qarşılıqlı əməkdaşlıq əlaqələrinin genişləndirilməsinə təkan verəcək və idxal-ixrac əməliyyatlarının həcminin artmasına imkan yaradacaq. Orta Dəhlizin fəaliyyətə başlaması ilə əlaqədar yeni əməkdaşlıq imkanları da yaranıb. Azərbaycan Sloveniya ilə yükdaşıma, tranzit və nəqliyyat sahələrində də geniş əməkdaşlıq edə bilər",- deyə Tural Hacılı vurğulayıb.
Bölmənin digər xəbərləri
