Babək rayonunda yeni iş yerləri yaradılıb
Babək, 2 noyabr, AZƏRTAC
Bu ilin yanvar-sentyabr aylarında muxtar respublikanın Babək rayonunda 59 yeni iş yeri yaradılıb.
AZƏRTAC-ın Naxçıvan bürosu xəbər verir ki, Babək Rayon Statistika İdarəsinin məlumatına əsasən, bu ilin yanvar-avqust aylarında orta aylıq əməkhaqqının məbləği 489,1 manat təşkil edib. Bu da 2019-cu ilin müvafiq dövründəki göstəricidən 12,6 faiz çoxdur.
Qeyd edək ki, Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası rayonda işaxtaranların sosial müdafiəsinin gücləndirilməsinə, əmək bazarının tələbinə uyğun peşə hazırlığının təşkilinə geniş imkanlar yaradıb.
Bölmənin digər xəbərləri
