BAKI DÖVLƏT UNİVERSİTETİNDƏ GÖRÜŞ
AZƏRTAC xəbər verir ki, ölkəmizdə səfərdə olan ATƏT Parlament Assambleyası sədrinin müavini, Ukraynanın bu təşkilatdakı daimi nümayəndə heyətinin rəhbəri, Ukrayna Ali Radasının xarici işlər üzrə komitəsi sədrinin birinci müavini, iqtisad elmləri doktoru, professor Oleq Bilorus oktyabrın 27-də Bakı Dövlət Universitetində beynəlxalq münasibətlər, beynəlxalq hüquq fakültələrinin professor-müəllim və tələbə heyəti ilə görüşmüşdür.
Universitetin beynəlxalq əlaqələr və koordinasiya departamentinin müdiri Həzrət Ağabəyli qonağı görüş iştirakçılarına təqdim etmişdir.
Oleq Bilorusun demokratiya, xalqlarımızın taleyi, beynəlxalq münasibətlər, qloballaşan dünyamız, müstəqil Ukrayna, bu dost ölkədə baş verən proseslər barədə söhbəti maraqla qarşılanmışdır.
Qonağı Milli Məclisin deputatı Azay Quliyev müşayiət etmişdir.
Bölmənin digər xəbərləri
