“BAKI” FUTBOL KLUBU 5 MİLYON MANAT CƏRİMƏLƏNMİŞDİR
Ötən həftə ölkə futbol kuboku uğrunda keçirilmiş “Bakı”-“Olimpik” oyunundan əvvəl yerli komanda futbol meydançasını qonaq klubun ixtiyarına vermədiyi üçün Nizam-İntizam Komitəsinin qərarı ilə “Bakı” komandası 5 milyon manat məbləğində cərimələnmişdir. “Gənclər birliyi”-“Neftçi” görüşündə yerli komandanın futbolçusu P.Banquaraya verilmiş sarı vərəqə isə Hakimlər Komitəsinin müraciətinə əsasən ləğv olunmuşdur.
Hakimlər Komitəsi həmin oyun zamanı sarı vərəqə göstərilməsi barədə səhv qərar çıxaran hakim Babək Quliyevə bununla əlaqədar xəbərdarlıq elan etmişdir. Həmçinin, hakim Anar Niyazovun cəzası 3 oyundan 2-yə, Emil İsgəndərovun cəzası isə 13 oyundan 12-yə endirilmişdir.
Bölmənin digər xəbərləri
