Xırdalan, 9 sentyabr, AZƏRTAC

Bakı Mühəndislik Universitetində (BMU) keçirilmiş növbəti TOEFL iBT imtahanında 15 nəfər iştirak edib.

Bu barədə AZƏRTAC-a BMU-dan bildirilib. İştirakçılar yekun nəticələrini ETS-nin saytında yaradılmış şəxsi hesab vasitəsilə imtahandan 6 gün sonra onlayn şəkildə öyrənə bilərlər.

BMU xarici ölkələrdə təhsil almaq üçün tələb olunan dil və bacarıqların qiymətləndirilməsi ilə əlaqədar beynəlxalq imtahanların təşkilində uğurlu təcrübəyə malikdir. Universitetdə TOEFL iBT ilə yanaşı, GRE və SAT beynəlxalq imtahanları da təşkil olunur.

Cari ilin qarşıdakı dövrü ərzində keçirilməsi nəzərdə tutulan imtahanlarla bağlı hər hansı əlavə məlumat almaq üçün [email protected] və ya [email protected] email ünvanlarına müraciət edə bilərsiniz.