Bakıda 4, dağlıq rayonlarda 20 dərəcəyədək şaxta qeydə alınıb - FAKTİKİ HAVA
Bakı, 1 mart, AZƏRTAC
Milli Hidrometeorologiya Xidməti 1 mart saat 9:00-a olan hava məlumatını açıqlayıb.
Xidmətdən AZƏRTAC-a verilən məlumata görə, hazırda ölkə ərazisində qarlı və şaxtalı hava şəraiti davam edir.
Qar örtüyünün hündürlüyü Qaxda (Sarıbaş) 75, Şamaxıda 45, Mingəçevir və Qəbələdə 44, Altıağacda 38, İsmayıllı, Lerik və Oğuzda 36, Şəkidə 34, Xaltanda 28, Qubada 27, Zaqatalada 22, Qobustanda 19, Ağsuda 18, Balakəndə 16, Şahbuzda 15, Qusarda 13, Xınalıqda 12, Bakıda və Abşeron yarımadasında 10, Gədəbəy və Daşkəsəndə 9, Kəlbəcər, Laçın və Qubadlıda 7, Şabran və Göygöldə 6, Şuşada 5, Xankəndi, Xocalı, Göyçay və Lənkəranda 3, Yevlax, Füzuli, Tərtər, Xaçmaz və Sədərəkdə 2, Sabirabad, Şəmkir, Kürdəmir, Naftalan, Goranboy, Gəncə, İmişli və Salyanda 1 santimetrdir.
Sarı xəbərdarlığa uyğun olaraq, şimal-qərb küləyinin sürəti Bakıda və Abşeron yarımadasında 21 m/s, Naftalan, Goranboy və Mingəçevirdə 23 m/s, Neftçalada 20 m/s, Tərtərdə 18 m/s-dək güclənib.
Dənizdə dalğanın hündürlüyü 3.8 metrdir.
Havanın minimal temperaturu Bakıda və Abşeron yarımadasında 4, Aran rayonlarında 3, Naxçıvan MR-da 10, dağlıq rayonlarda 20 dərəcəyədək şaxta qeydə alınıb.
Bölmənin digər xəbərləri
