Bakıda “Amerika təhsil sərgisi” açılmışdır
Bakı, 1 noyabr (AZƏRTAC). Noyabrın 1-də “Qafqaz Baku City” otelində “Amerika təhsil sərgisi” açılmışdır.
AZƏRTAC xəbər verir ki, Amerika Birləşmiş Ştatları Dövlət Departamenti və Bakı Təhsil Məlumat Mərkəzi tərəfindən təşkil olunmuş sərginin açılış mərasimində ABŞ-ın Azərbaycandakı səfirliyinin nümayəndələri, gənclər, tələbələr, maraqlanan şəxslər iştirak etmişlər.
Sərgidə 25-dən çox ABŞ universiteti (Concord University, Emporia State University, Lindenwood University, Murray State University, Park University, The College of New Jersey, The Ohio State University və s.), ödənişsiz təhsil proqramları təmsil olunmuşdur.
Mərasimdə bildirilmişdir ki, tədbirin məqsədi ABŞ universitetlərində təhsilalma imkanları barədə məlumatlar verməkdir.
Sonra ABŞ universitetlərinin təmsilçiləri təhsil müəssisələrinin proqramları və fəaliyyətləri haqqında maraqlananları məlumatlandırmışlar. Burada, eyni zamanda, bukletlər təqdim olunmuş, suallar cavablandırılmışdır.
Bölmənin digər xəbərləri
