Bakıda “Ətraf mühitin mühafizəsi” V Beynəlxalq layihə olimpiadası keçiriləcəkdir
Bakı, 5 aprel (AZƏRTAC). Aprelin 8-9-da Bakıda Əl oyunları İdman Sarayında “Ətraf mühitin mühafizəsi” V Beynəlxalq layihə olimpiadası (“İnepo-Avrasiya”) keçiriləcəkdir.
AZƏRTAC xəbər verir ki, bununla əlaqədar keçirilən mətbuat konfransında “Çağ” Öyrətim İşlətmələri Şirkətinin prezidenti Ənvər Özərən və şirkətin idarə rəisi Arif Gömləksiz jurnalistləri maraqlandıran sualları cavablandırmışlar.
Qeyd olunmuşdur ki, “İnepo-Avrasiya” ekologiya olimpiadası dövlət müstəqilliyimizin bərpasının 20-ci ildönümünə həsr edilmişdir. Olimpiadada dünyanın 35 ölkəsindən 300-ə qədər iştirakçı yarışacaqdır. Bildirildi ki, olimpiadanı keçirməkdən məqsəd Azərbaycanda və dünyada artmaqda olan ekoloji problemlərin həlli və ətraf mühitin qorunub saxlanması mövzusunda gənc nəsli məlumatlandırmaqdır.
Olimpiadanın təşkilatçıları Təhsil və Ekologiya və Təbii Sərvətlər nazirlikləri, Dövlət Neft Şirkəti, “Çağ” Öyrətim İşlətmələri Şirkəti və “İnepo-Avrasiya” Ekologiya İctimai Birliyidir.
Bölmənin digər xəbərləri
