Bakıda keçiriləcək konfrans yerli idarəetmədə qadın liderliyi ilə bağlı prioritetləri müəyyənləşdirəcək
Oktyabrın 31-də Bakıda “Kaunterpart İnterneşnl” təşkilatı ABŞ Beynəlxalq İnkişaf Agentliyi (USAİD) tərəfindən maliyyələşən Qadın İştirakçılığı Proqramı çərçivəsində “Yerli özünü idarəetmə orqanlarında qadınların iştirakı: reallıqlar və perspektivlər” mövzusunda konfrans təşkil olunacaq. Ailə, Qadın və Uşaq Problemləri üzrə Dövlət Komitəsi ilə əməkdaşlıq çərçivəsində və Azərbaycan Şəhər, Qəsəbə, Kənd Bələdiyyələrinin Milli Assosiasiyalarının texniki dəstəyi ilə keçiriləcək konfransda hökumət rəsmiləri, Milli Məclisin deputatları, vətəndaş cəmiyyəti təşkilatlarının və bələdiyyələrin nümayəndələri iştirak edəcəklər.
AZƏRTAC xəbər verir ki, tədbirdə “Qadınların bələdiyyələrdə bərabər təmsilçiliyinin hüquqi əsasları”, “Qadınların yerli özünüidarəetmə orqanlarında fəaliyyəti: uğurlar və çətinliklər”, “2014-cü il bələdiyyə seçkilərində qadınların iştirakı” mövzuları üzrə çıxışlar dinləniləcək. Məqsəd yerli özünüidarəetmədə qadın liderliyinin gücləndirilməsi ilə bağlı əsas prioritetləri müəyyənləşdirməkdir.
Bölmənin digər xəbərləri
