BAKIDA MÜHASİBLƏRİN VƏ AUDİTORLARIN II AVRASİYA FORUMU KEÇİRİLƏCƏKDİR
AZƏRTAC xəbər verir ki, sentyabrın 25-dən 27-dək Bakıda Azərbaycan Professional Maliyyə Menecerləri Assosiasiyasının təşkilatçılığı ilə Mühasiblərin və Auditorların II Avrasiya Forumu keçiriləcəkdir.
Assosiasiyadan bildirilmişlər ki, forumda Azərbaycanın maliyyə, vergilər, iqtisadi inkişaf nazirliklərinin peşəkar audit təşkilatlarının nümayəndələri ilə yanaşı, Türkiyə, İngiltərə, Rumıniya, Latviya, Rusiya, Ukrayna, Hindistan və digər ölkələrdən qonaqlar iştirak edəcəklər.
“Maliyyə hesabatlarının beynəlxalq standartları. Maliyyə menecmenti” mövzusuna həsr olunan forumda beynəlxalq mühasibat uçotu və maliyyə hesabatlarının, beynəlxalq standartlar proqramlarının tədrisi, metodiki vəsaitlərin, eləcə də müəllim kadrların hazırlanması, akkreditasiyası və digər məsələlər müzakirə olunacaqdır.
Forum çərçivəsində qonaqlar Bakının görməli yerləri ilə tanış olacaqlar.
Bölmənin digər xəbərləri
