Banqladeşdə danq qızdırmasından ölənlərin sayı 600-ü ötüb
Bakı, 4 sentyabr, AZƏRTAC
Banqladeşdə avqust ayında 342 nəfər danq qripindən həyatını itirib ki, bununla da ölkədə bu xəstəlikdən ölənlərin sayı 618-ə çatıb.
AZƏRTAC xəbər verir ki, Banqladeş Səhiyyə Xidmətləri Baş İdarəsi tərəfindən verilən açıqlamada ölkə ərazisində ümumilikdə 127 min 700 nəfərin bu xəstəliyə yoluxduğu bildirilib.
Açıqlamada 24 saat ərzində baş verən ölüm hallarının 17-sinin paytaxt Dakkada baş verdiyi qeyd edilib.
Alimlər virusun simptomlarını özündə müşahidə edən şəxsləri vaxtında xəstəxanaya müraciət etməyə çağırıb.
Qeyd edək ki, tropik və subtropik bölgələrdə müşahidə olunan danq qızdırması insanlara ağcaqanadlar vasitəsilə keçir. İnkubasiya dövründən sonra yüngül qızdırma ilə davam edən xəstəlik ölümlə nəticələnə bilər.
Bölmənin digər xəbərləri
