BDU-da onlayn təlim: Depressiya və onunla mübarizə
Bakı, 25 may, AZƏRTAC
Bakı Dövlət Universitetinin (BDU) Tətbiqi riyaziyyat və kibernetika fakültəsində Tələbə Gənclər Təşkilatının və Sumqayıt Gənclər Evinin birgə tərəfdaşlığı ilə “Depressiya və onunla mübarizə” mövzusunda onlayn təlim keçirilib.
BDU-dan AZƏRTAC-a bildirilib ki, təlimdə psixoloji xidmətin əsas istiqamətləri, depressiya, psixoloji iş və digər mövzular müzakirə olunub.
Təlimçi, psixoloq Gülnar Yusifova depressiya və onu yaradan səbəblər, mübarizə yolları barədə tələbələrə məlumat verib.
Tətbiqi riyaziyyat və kibernetika fakültəsinin tələbələri Təranə Məmmədli və Arzu Vəliyeva mövzu ilə bağlı çıxış ediblər.
Sonda tələbələrin çoxsaylı sualları cavablandırılıb.
Bölmənin digər xəbərləri
