BDU ilə Böyük Britaniyanın Vorvik Universiteti arasında əməkdaşlıq imkanları müzakirə edilib
Bakı, 3 mart, AZƏRTAC
Bakı Dövlət Universitetinin (BDU) rektoru Elçin Babayev Böyük Britaniyanın Vorvik Universitetinin strateji inkişaf üzrə direktoru Gareth Robertslə görüşüb. Görüşdə “British Council”ın Azərbaycandakı rəhbəri Nərgiz Hacıyeva da iştirak edib.
BDU-dan AZƏRTAC-a bildirilib ki, görüş zamanı iki universitet arasında potensial əməkdaşlıq imkanları və həyata keçiriləcək birgə proqramlar müzakirə edilib. Tərəflər təhsil və elmi tədqiqat sahələrində qarşılıqlı əlaqələrin genişləndirilməsi, tələbə və müəllim mübadiləsi, birgə elmi araşdırmaların aparılması istiqamətində fikir mübadiləsi aparıblar.
Rektor Elçin Babayev BDU-nun son illərdə əldə etdiyi uğurlar, beynəlxalq reytinqlərdə mövqeyinin yüksəlməsi, innovativ tədris metodlarının tətbiqi və elmi araşdırmalardakı nailiyyətlər barədə məlumat verib.
Vorvik Universitetinin nümayəndəsi Gareth Roberts iki universitet arasında mümkün əməkdaşlıq sahələri üzrə təkliflərini irəli sürüb, strateji tərəfdaşlığın inkişaf etdirilməsi üçün geniş imkanların mövcud olduğunu vurğulayıb.
Bölmənin digər xəbərləri
