BDU-nun 265 tələbəsi yaz semestri üzrə təhsil krediti alıb
Bakı, 22 iyun, AZƏRTAC
Bakı Dövlət Universitetinin (BDU) 265 tələbəsi 2022/2023-cü tədris ilinin yaz semestri üzrə təhsil krediti almaq hüququ əldə edib. Onlardan 84-ü sosial, 181-i isə standart təhsil kreditidir.
BDU-dan AZƏRTAC-a bildirilib ki, 2022/2023-ci tədris ilində ümumilikdə 563 tələbəyə təhsil krediti verilib. Onlardan 172-si sosial, 391-i isə standart təhsil krediti olub. Təhsil krediti almaq istəyən tələbələr www.e-ttkf.edu.az üzərindən elektron müraciət edə bilərlər.
Qeyd edək ki, təhsil tələbə krediti verilən zaman girov və ya zaminlik tələb olunmur. Kredit uzunmüddətlidir və təhsil müddətində, güzəşt və möhlət dövründə tələbədən kreditin qaytarılması tələb edilməməklə yanaşı, faizlər də hesablanmır.
Bölmənin digər xəbərləri
