BDU-nun əməkdaşı İtaliyanın Kalabriya Universitetində tədqiqat aparacaq
Bakı, 27 oktyabr, AZƏRTAC
Bakı Dövlət Universitetinin (BDU) Tədqiqat, İnkişaf və İnnovasiyalar üzrə Mükəmməllik Mərkəzinin Tədqiqat və innovasiyalar sektorunun mütəxəssisi Xatirə Mehdiyeva İtaliyanın Kalabriya Universitetində tədqiqat aparacaq.
Bu barədə AZƏRTAC-a BDU-dan məlumat verilib.
X.Mehdiyeva İtaliya hökuməti tərəfindən xaricdə yaşayan İtaliya vətəndaşları və xarici vətəndaşlar üçün 2023-2024-cü illər üzrə elan edilmiş qrant müsabiqəsinin qalibi olub. Qrant proqramı çərçivəsində o, 2023-cü il dekabrın 1-dən 2024-cü il mayın 31-dək İtaliyanın Kozentsa əyalətində yerləşən Kalabriya Universitetində “Laylı Van-der-Vaals birləşmələri əsaslı, maqnit atomları ilə aşqarlanmış topoloji izolyator materiallarının strukturunun və elektron xassələrinin tədqiqi” mövzusunda elmi tədqiqat işi aparmaq imkanı qazanıb.
Bölmənin digər xəbərləri
