ELM VƏ TƏHSİL
BDU tələbələri insan resursları strategiyası barədə məlumatlandırılıb
![](/files/galleryphoto/2023/3/1200x630/16983039454555635357_1200x630.jpg)
![](/files/galleryphoto/2023/3/1200x630/16983039455181665531_1200x630.jpg)
Bakı, 26 oktyabr, AZƏRTAC
Bakı Dövlət Universitetinin (BDU) Beynəlxalq münasibətlər və iqtisadiyyat fakültəsinin təşkilatçılığı, “Hazel” və “Big education” şirkətlərinin tərəfdaşlığı ilə insan resursları sahəsində ixtisaslaşmış “Talent Staff and Business Solutions” şirkətinin rəhbəri Sevda Quliyeva və Milli Məclisin deputatı Naqif Həmzəyevin iştirakı ilə “Gənclərin inkişafı və karyera“ mövzusunda tələbələrlə görüş olub.
Bu barədə AZƏRTAC-a BDU-dan məlumat verilib.
Görüşdə tələbələrin seçdiyi ixtisasdan asılı olaraq işə qəbul zamanı diqqət yetirilməli nüanslar, müsahibənin etik qaydaları, karyera planlaması, şirkətlərin insan resursları siyasəti, strategiyası barədə bilik və təcrübələrdən bəhs olunub.
Şirkət rəhbəri Sevda Quliyeva və deputat Nagif Həmzəyev Prezident İlham Əliyevin rəhbərliyi ilə təhsil, gənclərin inkişafı sahələrində həyata keçirilən məqsədyönlü siyasətin ölkəmizə qazandırdığı uğurlardan danışıblar.
Sonra tələbələrin sualları cavablandırılıb.