BƏDİİ GİMNASTİKA ÜZRƏ AZƏRBAYCANBİRİNCİLİYİNƏ VƏ BAKI ÇEMPİONATINA YEKUN VURULMUŞDUR
Çoxnövçülük üzrə yarışlarda Bakı Gimnastika Məktəbinin yetirməsi Aelita Xələfova həm 1994-97-ci il təvəllüdlü idmançıların ölkə birinciliyinin, həm də 1994-95-ci il təvəllüdlü gimnastların Bakı çempionatının qızıl medallarına layiq görülmüşdür. 1990-93-cü və 1996-97-ci il təvəllüdlü idmançıların bu növ üzrə Bakı çempionatının qalibləri, müvafiq olaraq, Zeynəb Cavadlı (Bakı Gimnastika Məktəbi) və Aişə Mustafayeva (Həmkarlar İttifaqı) olmuşlar.
Lentlə, gürzlə və iplə ölkə birinciliyi yarışlarında ilk üçlüyü Zeynəb Cavadlı, Zülfiyyə Əliyeva (Həmkarlar İttifaqı) və Leyla Şamilova (Bakı Gimnastika Məktəbi) təşkil etmişlər. Yalnız halqa üzrə yarışlarda Leyla Şamilova Zülfiyyə Əliyevanı qabaqlayaraq, ikinci yer tutmuşdur. Zeynəb Cavadlı isə bu növ üzrə fəxri kürsünün ən yüksək pilləsinə qalxmışdır.
Bölmənin digər xəbərləri
