Belarus Azərbaycan üçün məxsusi armudu stəkan dəsti istehsal edir
Minsk, 2 iyul, AZƏRTAC
Belarus Azərbaycan üçün məxsusi olaraq armudu stəkan dəsti istehsal edir.
AZƏRTAC xəbər verir ki, bu barədə yerli KİV-lərə müsahibəsində Belarusun memarlıq və inşaat naziri Ruslan Parxamoviç deyib.
Onun sözlərinə görə, Belarusun "Neman" şüşə zavodu xüsusilə Azərbaycan sakinləri üçün milli dəyərləri hesab olunan armudu stəkanlar istehsal edir.
“Büllur Azərbaycanda ən populyar Belarus mallarından biridir. Yerli əhalinin həm gündəlik istifadəsi üçün dəstlər, həm də məxsusi məhsullar üçün çox sayda sifariş qəbul edilir”, - deyə R.Parxamoviç bildirib.
Nazir, həmçinin qeyd edib ki, Belarusdan Azərbaycana idxal olunan məhsullar sırasında ənənəvi olaraq yerli sement, çınqıl daş və digər qeyri-metal materiallar, keramika plitələr, şüşə, büllur və müxtəlif tikinti konstruksiyaları populyardır.
Emil Hüseynli
AZƏRTAC-ın xüsusi müxbiri
Minsk
Bölmənin digər xəbərləri
