BƏLƏDİYYƏLƏRİN FƏALİYYƏTİ DİQQƏT MƏRKƏZİNDƏDİR
Görüşdə nazir müavini Vilayət Zahirov Azərbaycanda demokratik təsisatların, o cümlədən yerli özünüidarə orqanlarının inkişafını, bu sahədə Avropa Şurası ilə əməkdaşlığın əhəmiyyətini qeyd etmişdir. O, cari ilin iyun ayında Azərbaycanın ədliyyə naziri Fikrət Məmmədovun Avropa Şurası Yerli və Regional Hakimiyyətlər Konqresinin ümumi sessiyasında çıxış etdiyini, eləcə də konqresin yeni sədri H.Skardın ilk səfərini ölkəmizə etməsini xüsusi vurğulamışdır.
Azərbaycanda yerli özünüidarə orqanlarının fəaliyyətinin təkmilləşdirilməsində konqreslə qarşılıqlı əlaqələrin daha da gücləndirilməsinin vacibliyini qeyd edən Yan Mikalef, yerli demokratiyanın inkişafı, o cümlədən bələdiyyə assosiasiyalarının yaradılması ilə bağlı görülən işləri təmsil etdiyi qurumun dəstəklədiyini bildirmişdir.
Görüşdə bələdiyyələrin fəaliyyəti və bələdiyyə assosiasiyalarının yaradılmasına dair konkret məsələlərlə bağlı ətraflı fikir mübadiləsi aparılmış, qonaqları maraqlandıran suallar cavablandırılmışdır.
Bölmənin digər xəbərləri
