BEYLƏQANDA KƏND TƏSƏRRÜFATI MƏHSULLARININ İSTEHSALI ARTMIŞDIR
Beyləqan, 1 fevral (AZƏRTAC). Beyləqan rayon statistika idarəsindən bildirilmişlər ki, 2009-cu ildə rayonda kənd təsərrüfatı məhsullarının istehsalı əvvəlki illə müqayisədə xeyli artmışdır. Torpaq mülkiyyətçiləri 94 min 172 ton taxıl, 691 ton şəkər çuğunduru, 3.441 ton kartof, 11 min 115 ton tərəvəz, 4.707 ton bostan məhsulları, 7.669 ton meyvə, 1.335 ton üzüm tədarük etmişlər.
Mal-qaranən sayı 53 min 950 başa, qoyun və keçilər 286 min 793 başa, quşların sayı 432 min 921 başa çatmışdır. Heyvandarlar il ərzində 6.250 ton ət, 30 min 360 ton süd, 443 ton yun, 9 milyon 755 min ədəd yumurta istehsal etmişlər. Qaramalın sayı 1.291 baş, davarın sayı 4.882 baş, quşların sayı 19 min 664 baş artmışdır. Ötən il rayonda ət istehsalı 719 ton, süd istehsalı 3.627 ton, yun istehsalı 24 ton, yumurta istehsalı 805 min ədəd çoxalmışdır.
Bölmənin digər xəbərləri
