Beynəlxalq ekspert Azərbaycanın qlobal energetika iqtisadiyyatına töhfəsindən danışıb
Astana, 3 iyun, AZƏRTAC
Azərbaycanın qlobal energetika iqtisadiyyatına töhfəsi sanballı əhəmiyyət daşıyacaq.
Bu barədə AZƏRTAC-a açıqlamasında Kaliforniya Universitetinin Berklidəki Haas Biznes Məktəbinin professoru Olaf Qrot bildirib.
Onun sözlərinə görə, süni intellektin və müasir hesablama texnologiyalarının inkişafı enerji istehlakının artmasına səbəb olur. Professor əlavə edib: “İqtisadiyyatın müxtəlif sektorlarında getdikcə daha çox məlumat emal edə bilməmiz üçün alqoritmlərin səmərəli işləməsi üzrə bütün mümkün enerji mənbələrinə ehtiyac var”. O.Qrot qeyd edib ki, dünya koqnitiv iqtisadiyyat erasına - əsas aktivlərin və proseslərin intellektual sistemlər və AI tərəfindən idarə olunduğu yeni modelə qədəm qoyub.
“İqtisadi artımın növbəti səviyyəsini təmin etmək üçün bizə əldə edə biləcəyimiz bütün enerji növləri - istər neft və qaz, istər bərpaolunan mənbələr, istərsə də nüvə enerjisi lazımdır”, -deyə professor sözlərini yekunlaşdırıb.
AZƏRTAC-ın xüsusi müxbiri
Astana
Bölmənin digər xəbərləri
