BEYNƏLXALQ KONVENSİYALAR HAQQINDA KİTABLARIN TƏQDİMAT MƏRASİMİ KEÇİRİLMİŞDİR

21.07.2004 [21:52]
Çap et
A⁺ A^-

AZƏRTAC-ın müxbiri xəbər verir ki, İRŞAD otelində BMT-nin Qaçqınlar üzrə Ali Komissarlığının və Azərbaycan Gənc Hüquqşunaslar Birliyinin birgə çap etdirdikləri 6 kitabın (“Birləşmiş Millətlər Təşkilatının Qaçqınlar üzrə Ali Komissarlığının Nizamnaməsi”, “Birləşmiş Millətlər Təşkilatının Qaçqınlar üzrə Ali Komissarlığının vəzifələrinə ümumi baxış”, “Uşaq hüquqları haqqında Konvensiya”, “İşgəncələrə və digər qəddar, qeyri- insani, yaxud ləyaqəti alçaldan davranış və cəza növləri əleyhinə Konvensiya”, “Qaçqınların müdafiəsi üzrə BMT QAK-ın rəhbər müddəaları və Avropa insan hüquqları konvensiyası” və “Qaçqınların statusunu müəyyənləşdirməyin proseduraları və meyarları haqqında təlimat”) təqdimat mərasimi keçirilmişdir.

Hökumət, QHT, KİV nümayəndələrinin və xarici dövlətlərin ölkəmizdəki səfirlikləri əməkdaşlarının iştirak etdikləri mərasimi Azərbaycan Gənc Hüquqşünaslar Birliyinin sədri Nadir Adilov və BMT Qaçqınlar üzrə Ali Komissarlığının respublikamızdakı nümayəndəsi Boqdan Nahaylo açaraq bu kitabların indiyədək Bakıda çox az çap olunduğunu bildirmişlər.

Qadın Problemləri üzrə Dövlət Komitəsinin sədri Zəhra Quliyeva, Qaçqınların və Məcburi Köçkünlərin İşləri üzrə Dövlət Komitəsinin departament rəhbəri Qabil Əbilov, Apellyasiya Məhkəməsinin hakimi İlham Həsənov və başqaları mərasimdə çıxış edərək, qaçqını və köçkünü olan bir ölkə üçün belə kitabların xüsusi əhəmiyyət daşıdığını vurğulamışlar.

Qxuculara təqdim olunan kitabların beynəlxalq hüquq üzrə mütəxəssislər, KİV nümayəndələri, QHT üçün nəzərdə tutulduğu qeyd edilmişdir.

BEYNƏLXALQ KONVENSİYALAR HAQQINDA KİTABLARIN TƏQDİMAT MƏRASİMİ KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri