Beynəlxalq Türk Akademiyası “Abay və ХХІ əsr: tarixdən dərslər” adlı videokonfrans təşkil ediləcək
Nur-Sultan, 20 may, AZƏRTAC
Beynəlxalq Türk Akademiyası 10 illik yubileyi ərəfəsində, türk dünyasının ortaq tarixi şəxsiyyəti Abay Kunanbayevin anadan olmasının 175 illiyi münasibətilə “Abay və ХХІ əsr: tarixdən dərslər” adlı videokonfrans təşkil ediləcək.
AZƏRTAC xəbər verir ki, konfransda türkdilli dövlətlərin, beynəlxalq təşkilatların rəhbər və nümayəndələrinin, təhsil və mədəniyyət nazirlərinin, tanınmış türkoloq və alimlərin iştirakı nəzərdə tutulur.
Tədbir çərçivəsində Abayın türk, Azərbaycan, Qırğız, özbək dillərinə tərcümə olunmuş, Beynəlxalq Türk Akademiyası tərəfindən nəşr olunan əsərlərinin təqdimatı keçiriləcək.
Xatırladaq ki, 2020-ci il türk dünyasında “Abay Kunanbayev” ilidir. Müasir qazax yazılı ədəbiyyatının banisi, filosof, ictimai xadim və maarifçi Abay Kunanbayevin 175 illiyi Azərbaycanda da təntənəli şəkildə qeyd ediləcək.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
