Beynəlxalq Universitet İdman Festivalında təmsilçilərimizin qazandığı medalların sayı məlum olub
Yekaterinburq, 31 avqust, AZƏRTAC
Rusiyanın Yekaterinburq şəhərində keçirilən Beynəlxalq Universitet İdman Festivalında Azərbaycan təmsilçilərinin qazandığı medalların sayı məlum olub.
AZƏRTAC xəbər verir ki, badminton, stolüstü tennis, boks, güləş, taekvondo, futzal, üzgüçülük və sambo üzrə çıxış edən idmançılarımız ümumilikdə 28 medal əldə ediblər.
Bunların dördü qızıl, səkkizi gümüş, on altısı bürüncdür. Bununla da 36 ölkənin qatıldığı beynəlxalq festivalda Azərbaycan medalların sayına görə altıncı yeri tutub.
Ev sahibi Rusiya birinci, Çin ikinci, Braziliya isə üçüncü pillənin sahibi olub.
Qeyd edək ki, Beynəlxalq Universitet İdman Festivalı Yekaterinburq şəhərinin 300 illik yubileyinə həsr olunub. Yarışda Azərbaycanı 10 təhsil ocağından 54-ü kişi, 15-i qadın olmaqla 69 idmançı təmsil edib.
Bölmənin digər xəbərləri
