Bidzina İvanişvili: Sülh və təhlükəsizlik hər bir ölkə üçün müstəqillik qədər vacibdir
Tbilisi, 9 sentyabr, AZƏRTAC
Sülh və təhlükəsizlik hər bir ölkə, o cümlədən də Gürcüstan üçün müstəqillik qədər vacibdir. Biz təkcə müstəqilliyimizin deyil, eyni zamanda, sülhün və təhlükəsizliyin qorunub saxlanması üçün çalışmalıyıq.
AZƏRTAC xəbər verir ki, bu sözləri “Gürcü Arzusu-Demokratik Gürcüstan” partiyasının fəxri sədri, siyasətçi Bidzina İvanişvili parlament seçkiləri ilə əlaqədar təbliğat kampaniyası çərçivəsində seçicilərlə görüşdə söyləyib.
Onun sözlərinə görə, gürcü xalqı və Gürcüstanda yaşayan digər millətlər müstəqilliyi əldə etmək üçün qurbanlar veriblər. Lakin, bəzi müxalif qüvvələr ölkəni müharibəyə sürükləməklə müstəqilliyə zərbə vurmağa çalışırlar. Onlar unudurlar ki, müstəqilliyi qorumaq üçün sülh və sabitlik lazımdır.
“Hakim “Gürcü Arzusu-Demokratik Gürcüstan” Partiyası ölkədə və regionda sülhün və sabitliyin qorunması üçün əlindən gələni edir və bundan sonra da edəcək. Bizim gələcək inkişafımız yalnız sülh və sabitlik şəraitində olmalıdır. Bu, bizim müstəqilliyimizin də qarantıdır”, - deyə B.İvanişvili vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
