Biologiya fakültəsinin dekanı: BDU yarandığı vaxtdan etibarən üzərinə düşən vəzifələri layiqincə yerinə yetirib
Bakı, 1 sentyabr, AZƏRTAC
Bakı Dövlət Universiteti (BDU) yarandığı vaxtdan etibarən üzərinə düşən vəzifələri layiqincə yerinə yetirib. Şərqin ilk mütərəqqi təhsil ocaqlarından olan Bakı Dövlət Universiteti zəngin tarixi keçmişə, ənənələrə malik, ölkəmizin təhsil tarixində ilk yeri tutan ali təhsil müəssisəsidir.
Bu fikirləri AZƏRTAC-a müsahibəsində BDU-nun Biologiya fakültəsinin dekanı Afət Məmmədova vurğulayıb. A.Məmmədova bildirib ki, BDU respublikamızla yanaşı, digər ölkələr üçün elmi-pedaqoji kadr hazırlanması işini müvəffəqiyyətlə həyata keçirib. Universitetin yaradılması ilə xalqın elm, təhsil və mədəniyyətə olan marağı daha da artıb. Bakı Dövlət Universiteti yüzlərlə görkəmli alim, tanınmış ictimai xadim və yaradıcı ziyalı yetişdirib.
“104 yaşlı Bakı Dövlət Universiteti bu gün də uğurlu fəaliyyəti ilə Azərbaycan elm və təhsilinin inkişafına, müstəqil ölkəmizin tərəqqisinə öz töhfələrini verir. Universitetdə qabaqcıl elmi nailiyyətlərdən, innovativ təlim-tədris texnologiyalarından faydalanmaqla ali təhsilin məzmun və keyfiyyət göstəricilərinin təkmilləşdirilməsi istiqamətində mühüm addımlar atılır”, - deyə A.Məmmədova bildirib.
Bölmənin digər xəbərləri
