“Bir müəllim - bir tələbə” debatı
Bakı, 20 may, AZƏRTAC
Azərbaycan Dövlət İqtisad Universitetində (UNEC) “Təhsil prosesi iştirakçılarının motivasiyasının artırılması” tədbirləri çərçivəsində “Bir müəllim - bir tələbə” debatı təşkil olunub.
UNEC-dən AZƏRTAC-a bildirilib ki, debatda İqtisadiyyatın tənzimlənməsi kafedrasının müəllimi Zeynəb Qiyasova ilə Maliyyə və mühasibatlıq fakültəsinin III kurs tələbəsi Sevinc Ağayeva “Əmək bazarında effektiv məşğulluq məsələləri: təcrübə önəmlidir yoxsa ixtisas bilikləri yetər?!” mövzusunda fikir mübadiləsi aparıblar.
Debatın müzakirələrində çıxış edən UNEC-in baş müəllimi Ceyhun Hacıyev tələbələrə əmək bazarında layiqli yer tutmaq üçün tövsiyələr verib.
Qeyd edək ki, bir müəllim və bir tələbə formatında debatlar mütəmadi olaraq bütün fakültələrdə keçirilir.
Bölmənin digər xəbərləri
