Bişkekdə təyyarənin qəzaya uğraması nəticəsində azı 30 adam həlak olub VİDEO
Bişkek, 16 yanvar, АZƏRTAC
Honkonq-Bişkek-İstanbul reysi ilə uçan ACT hava yollarına məxsus “Boeing 747-400” yük təyyarəsinin Bişkek aeroportu yaxınlığında qəzaya uğraması nəticəsində azı 30 adam həlak olub.
Təyyarə “Manas” beynəlxalq aeroportunun qalxma-enmə zolağına 1,2 kilometr qalmış yerə çırpılıb.
Bu barədə Qırğızıstan Fövqəladə Hallar Nazirliyinin mətbuat xidməti məlumat yayıb.
Təyyarə Bişkek ətrafındakı qəsəbəyə düşdüyündən həlak olanların arasında yerli sakinləri də var.
Qırğızıstan hökumətinin verdiyi məlumata görə, təyyarə düşən ərazidə 32 fərdi ev dağılıb. Səhiyyə naziri Talantbek Batıraliev qəza yerindədir. O deyib ki, ağır vəziyyətdə xəstəxanaya yerləşdirilən səkkiz nəfərdən altısı uşaqdır.
Hadisə yerində xilasetmə işləri davam etdirilir.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
