Blinken və Şmıqal Ukraynanın bərpasında özəl sektorun rolunu müzakirə ediblər
Bakı, 22 iyun, AZƏRTAC
ABŞ Dövlət katibi Antoni Blinken Ukraynanın Baş naziri Denis Şmıqal ilə bu ölkənin iqtisadi bərpasında və sağlam investisiya mühitinə nail olunmasında özəl sektorun rolunu müzakirə edib.
AZƏRTAC xəbər verir ki, bu barədə ABŞ Dövlət departamentinin mətbuat xidmətinin rəhbəri Metyu Millerin yaydığı bəyanatda bildirilib. Müzakirə zamanı Blinken Ukraynanın iqtisadi bərpasına ABŞ-ın dəstəyini, ölkənin modernləşdirilməsi və yenidən qurulması üçün özəl sektorla işləmək öhdəliyini qeyd edib. Tərəflər, həmçinin Ukrayna institutlarını gücləndirmək və əsaslı islahatlarda irəliləyişi sürətləndirmək üçün əməkdaşlıq məsələsini müzakirə ediblər.
Onların görüşü Londonda təşkil edilən Ukrayna Bərpa Konfransı çərçivəsində baş tutub.
Bölmənin digər xəbərləri
