Bolqarıstan çimərlik sularının keyfiyyətinə görə Aİ-də üçüncü olub
Bakı, 17 iyun, AZƏRTAC
Bolqarıstan 2025-ci ildə dəniz və digər üzgüçülük yerlərində suyun keyfiyyətinə görə Avropa İttifaqında (Aİ) üçüncü yeri tutub.
AZƏRTAC Bolqarıstanın BTA informasiya agentliyinə istinadla xəbər verir ki, bu barədə Avropa Ətraf Mühit Agentliyi hesabat təqdim edib. Qeyd edilib ki, ölkədəki çimərlik və üzgüçülük sularının 96,9 faizi əla keyfiyyətli qiymətləndirilib. Reytinqdə Kipr birinci, Yunanıstan isə ikinci olub.
Qiymətləndirmə su nümunələrində insan sağlamlığı üçün təhlükəli bakteriyaların səviyyəsi əsasında aparılıb.
Bölmənin digər xəbərləri
