Bolqarıstanda növbədənkənar parlament seçkiləri keçiriləcək
Bakı, 18 fevral, AZƏRTAC
Aprelin 19-da Bolqarıstanda növbədənkənar parlament seçkiləri keçiriləcək. AZƏRTAC “Reuters” agentliyinə istinadla xəbər verir ki, bu barədə çərşənbə günü ölkə Prezidenti İliana Yotova bildirib.
Prezident ötən həftə Bolqarıstan Milli Bankının sədr müavini Andrey Qyurovu Aİ və NATO üzv dövlətində cəmi beş il ərzində səkkizinci parlament seçkisinə hazırlıq vəzifəsi daşıyan müvəqqəti hökumətə rəhbər təyin edib. Əvvəlki hökumət iqtisadi siyasətinə görə həftələrlə davam edən etirazlardan və korrupsiya ilə mübarizədə uğursuzluqdan sonra istefaya göndərilib.
Yotova çərşənbə günü müvəqqəti hökumətin üzvlərini təqdim edən Qyurovla görüşdükdən sonra mətbuat konfransında bildirib ki, aprelin 19-da növbədənkənar seçkilərin keçirilməsi barədə fərman imzalayacaq.
Yanvarın 1-də avro zonasına qoşulan Bolqarıstan uzun müddətdir davam edən siyasi qeyri-sabitliklə üzləşir, partiyalar parçalanmış parlamentdə sabit hakim koalisiyalar yarada bilmir.
Bölmənin digər xəbərləri
