Bolqarıstanın Sofiya Universitetində Azərbaycan dili fənninin tədrisinə başlanılmışdır
Bakı, 2 noyabr (AZƏRTAC). Bolqarıstanın Müqəddəs Kliment Oxridski adına Sofiya Universitetində Bakı Slavyan Universitetinin (BSU) Azərbaycan Dili və Mədəniyyəti Mərkəzi fəaliyyətə başlamışdır.
BSU-dan AZƏRTAC-a bildirmişlər ki, Mərkəzin açılışından sonra universitetin klassik və yeni filologiya fakültəsində Azərbaycan dilini öyrənmək istəyən tələbələr üçün kurslar təşkil olunmuşdur. Artıq oktyabrın 31-dən Sofiya Universitetində Azərbaycan dili fənni üzrə dərslərə də başlanılmışdır. Universitetin klassik və yeni filologiya fakültəsinin türkologiya ixtisası üzrə oxuyan bir qrup tələbəsi Azərbaycan dilinə, mədəniyyətinə maraq göstərərək bu fənni seçmişdir. Kurslar iki il davam edəcəkdir. Birinci semestrdƏ dərslər həftədə iki dəfə keçiriləcəkdir.
Bolqar tələbələr Azərbaycan dilini öyrənərək qədim tariximizə, mədəniyyətimizə, adətlərimizə, ədəbiyyatımıza, onlar üçün tanınmamış Şərqin bu hissəsinə yaxın olmaq şansını qazanacaqlar.
Bölmənin digər xəbərləri
