Botanika İnstitutunda magistrantlar üçün onlayn dərslər təşkil olunur
Bakı, 7 aprel, AZƏRTAC
AMEA-nın Botanika İnstitutunda distant tədris ikinci semestr üzrə təsdiqlənmiş dərs cədvəli və fənn sillabuslarına uyğun olaraq keçirilir.
Akademiyadan AZƏRTAC-a bildirilib ki, distant təhsil çərçivəsində ikinci kurs magistrantların elmi rəhbərləri onlara dissertasiya işlərinin fərdi iş planına uyğun olaraq vaxtında tamamlanması üçün elmi-metodiki məsləhətlər verirlər. Magistrantlar mühazirə və təqdimatların elektron variantını e-mail vasitəsilə əldə edirlər. Həmçinin mütəmadi olaraq dərslərin gedişatı haqqında müəllim və magistrantlardan məlumat alınır, dərslərə nəzarət edilir. Bununla yanaşı, distant tədris zamanı şəkil və videolar çəkilərək Təhsil şöbəsinə təqdim edilir.
Bölmənin digər xəbərləri
