Botanika İnstitutunda magistrantların qış imtahan sessiyası başlayıb
Bakı, 8 yanvar, AZƏRTAC
Botanika İnstitutunda magistrantların qış imtahan sessiyası başlayıb.
Bu barədə AZƏRTAC-a institutdan məlumat verilib. Bildirilib ki, imtahanlarda botanika, bitki fiziologiyası, mikologiya və ətraf mühitin idarə olunması və bioloji monitorinqi ixtisasları üzrə I və II kurslarda təhsil alan 11 magistrant iştirak edir.
İmtahanlar ölkəmizdə tətbiq olunan karantin rejiminin qaydalarını nəzərə alaraq “Zoom” platforması üzərindən onlayn təşkil olunur.
Qeyd edək ki, birinci kursda təhsil alan beş magistrant üçün 9, ikinci kursdakı altı magistrant üçün isə 19 imtahan keçiriləcək.
Bölmənin digər xəbərləri
