Böyrək köçürülməsi əməliyyatı uğurla başa çatıb
Bakı, 23 noyabr, AZƏRTAC
Xroniki böyrək çatışmazlığından əziyyət çəkən 31 yaşlı qadın Respublika Müalicəvi Diaqnostika Mərkəzinin (RMDM) böyrək xəstəlikləri və transplantologiya şöbəsində uğurla əməliyyat olunub. Zəruri hazırlıqlardan sonra ən qısa zamanda pasiyentə anasının böyrəyi köçürülüb.
Bu barədə AZƏRTAC-a mərkəzin böyrək xəstəlikləri və transplantologiya şöbəsinin müdiri, cərrah-uroloq-transplantoloq, tibb üzrə fəlsəfə doktoru Rəşad Şolan məlumat verib.
Həkim bildirib ki, xəstə klinikaya müraciət edəndə ağır depressiv vəziyyətdə olub. Psixiatrik konsiliumdan dərhal sonra antidepressiv medikamentoz terapiyaya başlanılıb və pasiyentə dərhal böyrək köçürülməsi əməliyyatının icrası planlaşdırılıb. Psixiatrlar depressiyanın etiologiyasını xəstənin çox həssaslıqla qəbul etdiyi hemodializ seansı ilə əlaqələndiriblər. Uğurla keçən əməliyyatdan sonra pasiyentin ümumi vəziyyətinin yaxşılaşması ilə bərabər psixi narahatlığı da aradan qalxıb. Bir neçə gündən sonra pasiyent tam sağlam şəkildə evə buraxılıb.
Bölmənin digər xəbərləri
