Böyük Britaniya Körfəz ölkələri ilə sərbəst ticarət razılaşması üçün danışıqlar aparır
London, 12 oktyabr, AZƏRTAC
Böyük Britaniya Körfəz ölkələri ilə sərbəst ticarət razılaşması üçün danışıqlar aparır.
AZƏRTAC xəbər verir ki, Britaniya ilə Körfəz Əməkdaşlıq Şurasına üzv olan 6 ərəb ölkəsi sərbəst ticarət müqaviləsi bağlamaq üçün danışıqlara başladıqlarını açıqlayıb.
Hökumət Körfəz Əməkdaşlıq Şurasının üzvü olan ölkələrdən - Səudiyyə Ərəbistanı, Birləşmiş Ərəb Əmirlikləri, Qətər, Bəhreyn, Küveyt və Oman ilə ticari əlaqələrini daha da inkişaf etdirmək üçün fərqli təcrübələr və hərtərəfli qanunvericilik üzərində işləyəcəyini bildirib.
Britaniyanın beynəlxalq ticarət naziri bu addımın ölkənin bölgədəki strateji maraqları üçün çox əhəmiyyətli olduğunu ifadə edərək söyləyib ki, böyüyən Britaniya bazarı ilə Körfəz ölkələri arasında ticarət əlaqələrini daha da liberallaşdırmaq və dərinləşdirmək istəyirik.
Məlumatlara görə, 2020-ci ildə Britaniya ilə Körfəz ölkələri arasında ticarət dövriyyəsi 41 milyard dollar həcminə çatıb.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
