Braziliyanın ən iri bankları qoruyucu maskalara 8,7 milyon avro ayıracaq
Madrid, 4 aprel, AZƏRTAC
Braziliyadakı üç iri bank ("Bradesco", "Itaú Unibanco" və "Santander") COVID-19 pandemiyasından daha çox əziyyət çəkən ştatların hakimiyyət orqanları və icması üçün qoruyucu maskaların əldə olunmasına 50 milyon real (təqribən 8,7 milyon avro) ayıracaq.
AZƏRTAC xəbər verir ki, 2019-cu ildə xalis gəliri 12 milyard dollar (təqribən 11 milyard avro) təşkil edən banklar 15 milyon ədədə yaxın maska alacaqlar.
Bu bankların maliyyə yardımı kiçik bizneslə məşğul olan sahibkarları dəstəkləyəcək, çünki maskalar həmin kiçik şirkətlər tərəfindən istehsal olunacaq.
Braziliyanın Səhiyyə Nazirliyinin məlumatına görə, indiyədək koronavirusdan 359 nəfər dünyasını dəyişib.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
