Britaniya 12 yeni nüvə sualtı qayıq inşa edəcək
London, 2 iyun, AZƏRTAC
Britaniyanın uzun zamandan bəri gözlənilən müdafiə strategiyasına əsasən, artan qlobal təhdidlərə cavab olaraq 12-yə qədər yeni nüvə ilə işləyən hücum təyinatlı sualtı qayıq inşa edəcək.
AZƏRTAC BBC-yə istinadla xəbər verir ki, bu yeni, nüvə enerjisi ilə işləyən, lakin konvensional silahlarla təchiz olunmuş sualtı qayıqlar 2030-cu illərin sonlarından etibarən hazırkı 7 gəmilik Astute sinfini əvəz edəcək. Eyni zamanda, Müdafiə Nazirliyi ölkənin nüvə çəkindirmə proqramı çərçivəsində yeni başlıqlara 15 milyard funt sterlinq ayıracaq. Bu, Britaniyanın mümkün müharibələrə daha hazırlıqlı olması üçün nəzərdə tutulub.
Britaniyanın bu gün açıqlanacaq 130 səhifəlik müdafiə strategiyasının gəmiqayırma, dron texnologiyası və kibertəhlükəsizlik sahələrində investisiya dalğasına səbəb olacağı bildirilib. Həmçinin on minlərlə yüksəkixtisaslı iş yeri yaradılacaq.
Bölmənin digər xəbərləri
