BRUSELLYOZ XƏSƏTLİYİNƏ QARŞI ƏLDƏ EDİLƏN YENİ BİOLOJİ AKTİV MADDƏ XƏSTƏLİYİN YAYILMASININ QARŞISINI ALACAQDIR
Bakı, 6 noyabr (AZƏRTAC). Kənd Təsərrüfatı Nazirliyi yanında Dövlət Baytarlıq Xidmətinin (DBX) rəisi İsmayıl Həsənov bildirmişdir ki, brusellyoz xəstəliyi əleyhinə Azərbaycan baytar mütəxəssislərinin və alimlərinin əldə etdiyi yeni bioloji aktiv maddə təkcə heyvanlar yox, insanlar arasında da bu xəstəliyin yayılmasının qarşısını alacaqdır.
DBX rəisi qeyd etmişdir ki, 2001-ci ildə Azərbaycanda heyvanların 20 faizdən çoxu və 8 minədək insan bu xəstəliyə yoluxurdu. Hazırda insanlar arasında xəstəlik 50 faizə qədər azalmışdır. Heyvanlar arasında isə 0,4 - 0,8 faizə enmişdir. Yeni preparatın heyvanlara vurulması böyük məbləğ tələb etməyəcəkdir. Preparat qaramala 20 manata, davara 12 manata vurulacaqdır.
Bioloji aktiv maddə vasitəsilə ilə 2 il ərzində istənilən ölkədə heyvanları brusellyozdan tam azad etmək mümkündür. Yeni preparat Azərbaycanda tam tətbiq edildikdən sonra onun bütün dünyada qeydə alınması ilə bağlı da işlər görüləcəkdir.
Bioloji aktiv maddə xəstə heyvana 2 gün ərzində hər gün 1 dəfə vurulur, 5 gün sonra həmin heyvanda tam kliniki sağalma baş verir.
Bölmənin digər xəbərləri
