BSU beynəlxalq reytinqdə uğur qazanıb
Bakı, 2 iyun, AZƏRTAC
Bakı Slavyan Universiteti (BSU) ilk dəfə olaraq iştirak etdiyi “Round University Ranking” (RUR) 2025 beynəlxalq reytinq cədvəlində dünya üzrə 1098-ci, Azərbaycan universitetləri üzrə isə 6-cı sırada yer alıb.
Bu barədə AZƏRTAC-a BSU-dan bildirilib. Qeyd olunub ki, RUR reytinq sistemi universitetlərin fəaliyyətini 20 indikator və 4 əsas sahə üzrə qiymətləndirir: tədris(40%), tədqiqat (40%), beynəlxalq müxtəliflik (10%) və maliyyə dayanıqlığı (10%).
BSU-nun bu uğuru “Clarivate Analytics” şirkətinin “Global İnstutional Profiles Project” platformasında və “Web of Science Core Collection” bazasındakı fəal bibliometrik göstəricilərinə əsaslanır.
Bölmənin digər xəbərləri
