Bu gün Yer sakinləri “Qanlı Ay”ı görüblər

08.10.2014 [21:31]
Çap et
A⁺ A^-

Bakı, 8 oktyabr (AZƏRTAC). Bu gün Cənubi və Şimali Amerika, Avstraliya ərazisində və Şərqi Asiyanın müxtəlif hissələrində Yer sakinləri nadir astronomik hadisəni - Ayın tam tutulmasının Günəşin çıxması və ya batması ilə eyni vaxta düşdüyü zaman yaranan “Qanlı Ay”ı müşahidə ediblər.

AZƏRTAC xəbər verir ki, bu hadisə Bakı vaxtı ilə saat 13:00-da başlanıb və saat 15:25 dəqiqədə tam fazaya çatıb. Tutulma zamanı Yerin kölgəsi Ayın qabağını tamamilə alıb.

Tutulma vaxtı Ay əvvəlcə Yerin kölgəsinə daxil olur, sonra oradan çıxır. Bu zaman peyk qırmızı rəngin müxtəlif çalarları ilə “işıqlana” bilər. Buna görə də Ayı “qanlı” adlandırırlar.

Qeyd edək ki, bu, dalbadal dörd dəfə müşahidə ediləcək ikinci Ay tutulmasıdır. Bu hadisələr 2014-cü il aprelin 15-dən 2015-ci il sentyabrın 28-dək olan qısa bir dövrü əhatə edir. Növbəti tam tutulma 2015-ci il aprelin 4-də gözlənilir.

Bu gün Yer sakinləri “Qanlı Ay”ı görüblər

MÜƏLLİFLƏ ƏLAQƏ

Bölmənin digər xəbərləri