Bu il Latviyada işçi qüvvəsinin təxminən 20 faizi distant şəkildə çalışıb
Riqa, 13 oktyabr, AZƏRTAC
COVID-19 pandemiyası iş mühiti də daxil olmaqla həyat tərzində bir çox dəyişikliklərə səbəb olub. Ötən il bir çox sahələr distant şəkildə fəaliyyət göstərib. Latviyada və bütövlükdə Avropada distant şəkildə çalışanların sayı artıb.
AZƏRTAC xəbər verir ki, bu barədə Avropa İttifaqının (Aİ) Statistika Agentliyi “Eurostat” son bir ildə topladığı məlumatlara əsasən deyib.
Bildirilib ki, Aİ-də 20-64 yaş arası insanların 12,3 faizi daimi olaraq distant şəkildə çalışıb.
Latviyada aparılan işçi qüvvələrinə dair araşdırma göstərir ki, bu ilin birinci yarısında daim distant şəkildə çalışanların payı işçilərin ümumi sayının 20 faizini ötüb. Latviyada bu ilin iki rübündə 15-74 yaş arası 158 min insan və ya ümumi işçi qüvvəsinin 21 faizi daim distant şəkildə çalışıb.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
