BU İL SAHƏLƏRDƏN 2 MİLYON 831,8 MİN TON TAXIL TOPLANMIŞDIR
Bakı, 27 sentyabr (AZƏRTAC). Ölkəmizdə taxıl biçini demək olar ki, başa çatmışdır.
Dövlət Statistika Komitəsindən bildirmişlər ki, sentyabrın 1-dək 1 milyon 91 min 400 hektar (ümumi əkin sahəsinin 99,8 faizi) dənli və dənli paxlalı bitkilərin sahəsi (qarğıdalı istisna olmaqla) biçilib döyülmüşdür. Həmin sahələrdən 2 milyon 831,8 min ton taxıl toplanmış, hər hektardan orta hesabla 25,9 sentner məhsul götürülmüşdür. Yığılmış məhsulun 2 milyon 137,5 min tonu payızlıq və yazlıq buğda məhsuludur.
Ötənilkindən 498,7 min ton və ya 21,3 faiz çox məhsul əldə edilmişdir.
Bölmənin digər xəbərləri
