Buraxılış imtahanında 300 bal toplayan şagird: İqtisadçı olmaq istəyirəm
Bakı, 17 aprel, Xatirə Cəfərova, AZƏRTAC
Bakı şəhəri 263 nömrəli tam orta məktəbin XI sinif şagirdi Fatimə Abbaslı Dövlət İmtahan Mərkəzinin martın 9-da keçirdiyi buraxılış imtahanında 300 bal toplayaraq maksimum nəticə göstərib.
Təəssüratlarını AZƏRTAC-ın müxbiri ilə bölüşən Fatimə ona dəstək olan valideynlərinə və müəllimlərinə minnətdardır: “Əziyyət çəkən hər kəs öz zəhmətinin bəhrəsini görür. Əslində, yüksək nəticə göstərəcəyimə əmin idim. Hədəflərim böyükdür və onlara çatmaq üçün çalışıram. Gün ərzində planlı şəkildə 6-8 saat çalışıram”.
Fatimə hazırda Azərbaycan Dövlət İqtisad Universitetinə hazırlaşır. O, atasının yolunu davam etdirib iqtisadçı olmaq istəyir. Bakalavriat təhsilini Bakıda, magistratura təhsilini isə xaricdə almaq istəyir. Ona bu yolda uğurlar arzulayırıq.
Bölmənin digər xəbərləri
