BURAXILMIŞ MƏHKƏMƏ SƏHVLƏRİNİN ARADAN QALDIRILMASI ÜÇÜN TƏSİRLİ TƏDBİRLƏR GÖRÜLÜR
Respublika Baş Prokurorluğundan AZƏRTAC-a verilən məlumata görə, ötən il ərzində əsassız və qanunsuz məhkəmə qərarlarından verilmiş apellyasiya protestlərinin 74,5 faizi təmin edilmiş və əvvəlki hesabat dövrü ilə müqayisədə bu göstərici daha yüksək olmuşdur. Görülmüş müsbət işlərlə yanaşı, dövlət ittihamının müdafiəsi üzrə fəaliyyətin səmərəliliyinə mənfi təsir göstərən nöqsanlar tam aradan qaldırılmamışdır. Belə ki, dövlət ittihamçıları tərəfindən cinayət işi materiallarının hərtərəfli və tam öyrənilməsi, məhkəmə baxışı zamanı qaldırılmış vəsatətlərlə əlaqədar əsaslandırılmış rəylərin verilməməsi, hazırlanan apellyasiya və kassasiya protestlərinin məzmun və keyfiyyət baxımından zəruri tədbirlərə cavab verməməsi, cəza təyini məsələlərinin həlli zamanı prinsipiallıq göstərilməməsi, ittihamçının tələb etdiyi cəzadan kəskin fərqlənən cəzaların təyin olunduğu bəzi hallarda apellyasiya qaydasında protestlərin verilməməsi bu qəbildən diqqəti çəkən nöqsanlardır. Baş Prokurorluq belə halların qarşısının alınması üçün təsirli tədbirlər görür.
