Cahit Bağçı: Müttəfiqlik münasibətlərimizi genişləndirmək üçün səylərimizi qərarlılıqla davam etdirəcəyik
Bakı, 30 avqust, AZƏRTAC
Qardaş Azərbaycanın müstəqilliyi və ərazi bütövlüyü uğrunda şəhadətə yüksələn şəhidlərimiz “İki dövlət, bir millət” şüarının əsasını təşkil edərək, Türkiyə-Azərbaycan qardaşlığının möhkəmləndirilməsində, şübhəsiz ki, ən böyük pay sahibidirlər.
AZƏRTAC xəbər verir ki, bu sözləri Türkiyənin Azərbaycandakı səfiri Cahit Bağçı avqustun 30-da qardaş ölkənin Zəfər bayramı və Silahlı Qüvvələr Günü münasibətilə "Türk şəhidliyi"ni ziyarəti zamanı söyləyib.
O bildirib ki, onların qəhrəmanlıqları illər sonra 44 günlük Vətən müharibəsində torpaqlarını işğaldan qurtaran Azərbaycan əsgərlərinə ilham və güc verdi. Cahit Bağçı deyib: “Şəhid düşdüyünüz bu torpaqlarda millətin qəlbində əbədi yaşayacaqsınız. Sizdən miras qalan bir inancla müttəfiqlik səviyyəsinə yüksələn münasibətlərimizi bundan sonra daha da genişləndirmək üçün səylərimizi qərarlılıqla davam etdirəcəyik”.
Bölmənin digər xəbərləri
